طاجن باميه بالتسبيح

بسم الله الرحمن الرحيم

لعمل طاجن باميه باللحمه تاكلى صوابعك وراه

اليكى الوصفه التاليه

كيلو باميه-كيلو لحمه

وبقية المقادير بقى اللى انتى عرفاها

المهم بقى وانتى قاعده كده فى قاعدة صفا مع الباميه وهتقمعيها بتعملى ايه

يا اما ساكته(اشك يعنى ان فيه ست ممكن تسكت فتره كبيره)

يا اما تتكلمى فى التليفون

او بتتفرجى ع التليفزيون

او اى حاجه تانيه
[img:f033]http://www.arabs2day.ws/forums/style_emoticons/default/post-3-1073125698[1].gif[/img:f033]
طب ما تجربى كده المره الجايه وانتى بتقمعى الباميه او تخرطى الملوخيه او بتنقى الرز

انك تسبحى الله
*
او تستغفريه
*
اوتحمديه
*
او تصلى على نبيه(صلى الله عليه وسلم)
المهم انك

ولكل وصفه طبعا فايده
؟
شوفى فايدة الوصفه الجديده
[img:f033]http://www.arabs2day.ws/forums/style_emoticons/default/080402gudl_prv[1].gif[/img:f033]
قال تعالى(فاذكرونى اذكركم)البقرة152 اى شرف ليكى بعد ان يذكرك الله تعالى

وقال تعالى(.....والذاكرين الله كثيرا والذاكرات أعد الله لهم مغفرة وأجرا عظيما)الاحزاب53 عايزه جزاء احلى من كده

عن ابى موسى الاشعرى رضى الله عنه عن النبى صلى الله عليه وسلم قال(مثل الذى يذكر ربه والذى لا يذكر ربه مثل الحى والميت)رواه البخارى
فمن اى الصنفين انتى؟

عن عبد الله بن بسر:ان رجلا قال:يا رسول الله إن شرائع الإسلام قد كثرت على وانا قد كبرت فأخبرنى بشئ أتشبث به.قال:لا يزال لسانك رطبا بذكر الله)رواه الترمزى

يعنى لو جوزك مزهقك من الطلبات والعيال مطلعين عنيكى ومش قادره تزودى من السنن

فالتزمى ذكر الله

وكثير وكثير من الفوائد لهذه الوصفه واللى ممكن تحوليها الى التنضيف او الطبيخ او السوق يعنى اى شئ بتعمليه جمليه بذكر الله

بالله عليكى ءأكلة طبختيها وانت تذكرى الله تتساوى مع اخرى طبختيها وانت غافله
والله الاولى ربنا ان شاء الله يطرح فيها خير وبركه كبير

وتذكرى وصية النبى صلى الله عليه وسلم لكى

ايوه ليكى

هو انتى مش من ضمن النساء برده ولا ايه
والوصيه يا سيدتى الجميله

(يا معشر النساء تصدقن وأكثرن من الاستغفار)


وبالهنا والشفا

(الفكره:انك تسبحى مع عمل الاكل:سمعتها فى برنامج للشيخ وجدى غنيم)